بريتك ذمتي وما ابره منك يوم
واذا تبريني انت انه ماابره

ياصبر البديه ينازع من الموت
وكل عاشك مشى جناز في صبره

عاشك ياكلب سيف العشك غدار؟
يل كلك وفه ماتحتمل غدره

ياكلبي العشك وياك يعني هواي
الك شاره بهواك وكبتك خضره

ياعاشك قصيده وحاضن الكلمات
خاف طوف بيك وتوكع الحضره

يل عشكك حلم والحلم ماينباس
ياواحه غرامك لليحب خطره

يل كلك بحر بيك النوارس سور
ابد نورس غرامك ماترك بحره

لاتحجي بغرامك لاتفيض جروح
لن شمس الخيانه خنكة الكمره


بســك ياكلب لاتحجي بل الي صار
كف حزنك بديك تصبر بذكره

ياكلبي شجاك اليوم فاض الشوك
بعد دفتر احزانك مايضم حبره

وظن كل الجروح اليوم هاجت بيك
من شفت الورد يتخلى عن عطره

لنك ماشفت فاس الغدر بهواك
من غاضه الشموح وطيح الشجره

تصبر ياكلب خلي اليلوم يلوم
وخلي الصار صار تفيدك العبره

اطوي سنين حزنك لاترد كل يوم
تفتحلك جــــــرح وتعاني من كبره


مصخت ياكلب حبهم طلع جذاب
من شفت الكصص ما شالت الكطره

نهينه سنين حبك لاترد ردود
بعد ماظل عشك اياتنه تكفره


منقوول

الله قصيدة رائعة سلمت اناملك يارائعة
دمتي بهذا التمييز
لك مني كل الود والتقديري

مميزة دوما يااحلام
كلمات في غاية الروعة
دمتي لنا -- ودام مدادك

تحياتي وودي

اسعدني مروركم المميز ربي لايحرمني منكم جميعااا
الف تحيه لكم مني