قالت
اكتبني قصيدة اغنية
يتغنى بها الفنان
والعشاق
والعصفور يتغرد
بها على غصن الشجر
اكتبني وارسمني لوحة
تعلق على جدران المتاحف
اكتبني بحب وشوق صادق
ليحيى قلبي العطشان
اكتبني حبيبي
بحب

اكتبني بحب
ساكتبك
جنت اهوى الناس كلها وبمعاشرتك نسيت
كل عزيز وغالي عندي يالعلى حبك بقيت

بيك اعوضها حياتي اللي مضت من غير حب
بيك اگدر ياحبيبي اشفي ألالم الگلب
صرت نور لهاي عيني وبيك اندل الدرب
وبجودك مادريت من الفرح يا ما بجيت

ولو حضر طاريك يمي بيه ما عندك علم
اسرح واصفن لحالي وبيك يحلالي الحلم
گلبي من يوم اللي ودك وبهواك اصبح يشم
عشت ايامي سعيد ولعد دنيايه هويت

من شفتك گلبي هواك وما گدر ينساك يوم
رسمك أببالي طبعته والهج بذكراك دوم
ولو غمض جفني يغالي لاتضنه يريد نوم
يريد يحلم يا منايه بعينك البيها أنسبيت

تجري بحشايه ويه دمي وبيك عايش هالبدن
وبوجودك يانعيمي ما ضگت طعم الشجن
عن بعضنا لو يفكر يوم يبعدنا الزمن
لعد روحي يجيب اجلها ويهد ليه شما بنيت

لاجن بحيل الله يابعد عمري أنه
بيك احضى وبوجودك انسى كل هم وعنه
يالذي بحبك جبرته لگلبي ومليته هنه
جنت عطشان وتراني من بحر حبك رويت

مشوشه أفكاري وبحيك أصبحت أنظم شعر
وبهواك انته يغالي وسعت ليه الفكر
ألك ليل انهار اكتب أمدحك صبح وعصر
أسهر واكتب ابياتي لو عالى بالي اجيت

وكل كلامي اللي أكتبه خاص بيك وبس ألك
مااشوفن بشر ثاني بالجمال أيماثلك
لگبي طول العمر صدك غير حبك ما ملك
وامتلكته النوب وحدك يلي مثلك مالگيت

شلون أوصفك يامنايا وانته كل معنى الحسن
ياللذي ماتدري بيه انه بيك اشمنفتن
ماضكت من يوم شفتك ذره من طعم الحزن
شلون اعببرلك شعوري والك گلبي صار بيت

منقول

ولو حضر طاريك يمي بيه ما عندك علم
اسرح واصفن لحالي وبيك يحلالي الحلم
گلبي من يوم اللي ودك وبهواك اصبح يشم
عشت ايامي سعيد ولعد دنيايه هويت

كلمات رائعة جدا ويملأها الدفئ
ويسترخي الجمال في كل حرف وفاصلة تحويها
لكي كل الشكر سديتي لأبداعك المستمر
قبائل من الزيزفون تمطر دربك
تحياتي

بوح رائع ومميز
تخطى السطور المكتوبه
واحساس جال من بين الحروف
احلام

رائعة انتي بانتقءك دوما

تحياتي وودي

اسعدني مروركم العطر والمميز
دمتم بالف خير
وتحياتي للجميع