منو مثلي مها بالروح وبراك
اخذ جسمي بنحول اعليك وبراك
منهوا الحاكمك ياترف وبراك
وانه ديتي عليك تصير هيه
*****************************

من ادموعي اخذن ماي ينهار--
عميت اعله البنيته وكام ينهار--
جا يمته تجيني وتمر ينهار--
وسولفلك الليل شعمل بيه--

******************************
قفل جان اعله سر حبنه لشفتاك
قفلنــــه ولادنت شفتـي لشفتاك
تمـــر؟وبطيف شحجيلك لشفتاك
اعله خـــــــدالطيف تلكه اثار اديه
*****************************
يبو حلك الكتلني كتل لولاك
مثل سمجه وشحيحة ماي لولاك
لوله بكل بشر بس انت لولاك
تنكط خجل من اتمس اديه
***************************
صديق الزين مثل الكَمر بسماي
وعلي افراكه تجري العين بسماي
اذا مره نخاني وصاح بسماي
اقدم الروح لعيونه هديه
****************************

هاي اول مشاركة الي ةان شاء الله تعجبكم

مع تحياتي

ابيات ابو ذيه رائعه عاشت ايدك
وننتظر المزيد
تقبل نحياتي ومروري
وعظم الله اجورنا واجوركم بمصاب ابي عبدالله واهل بيته الكرام واصحابه الميامين

شكرا على الموضوع الرائع