بچيت ..
ودمعِّت عينك على الراح
يادمعة الترد يفلان ماشين
نشفهن ادموعك .. خاف العيون
تعمه وماتشوف ..
اليمها باقين ..
عليمن تبچي ..؟؟
هن اهواي الجروح
وانت لكل جرح ينرادلك عين ؟!
عمه يعگوب ..
يوسف واحد الراح
شچم يوسف فگدنه ..
واحنه صلفين
شوف اشگد صلافة ..
ابهاي الايام
نضحك من نشوف الناس ..
ميتين ..
علمنه الحزن ..
نضحك للهموم
ويمر بينه الفرح ..
دمعة مجانين ..
يامرخص عمرنه ..
الجاي والراح
شخذنه من الوكت ..
بس تعب السنين
اخذنه الشيب ..
واحنه ابلف الگماط
وتجاعيد الوجه ..
صارن نياشين ..


-تحياتي لكم-

اعاننا الله واعانكم وفرج عن الكل بفرجه القريب
ان شاء الله
شكرا لمروركي الكريم اختي ام فيصل
وتحياتي لكي

والله هاشم قصيده جميله جدا بارك الله بيك اخي العزيز

شكرا لمرورك حبيبي الزير روماني
ومنور
تقبل تحياتي وعظم الله اجرك بفاجعة كربلاء