محتاجك نفس بس وين ألاكيك
مشيت وغيبتك صارت طويله
ألوج عليك مثل الشارب السم
ومثل لايج كلب مصيوب جيله
يطك جرحي ملح وألكاك خنياب
هلبت شاخه منك تعتنيله
وكاسر بالصبر مايكسر وياي
لأن حتى الصبر مهدوم حيله
بجيت عليك حد ما ذابت العين
جا ذا مو ألك ياهو ألأبجيله ؟
تمر ليال هجرك صفنه ودموع
كل ليله بسنه وحسبها ليله
مو كتلك دليلي وياك خليه
بشر من غير دم شله بدليله
تعال مروتك سويها لله
وغير مروتك ماعندي حيله
أظل أتأمل عيونك تجيني
لوحسبة وصالك مستحيله
جربت الوسائل كلها وياك
وتعبت هواي مانفعت وسيله
بس الطيف ظل يباري للعين
وهم مامش جفن يكدر يشيله
وأخاف حجايه من شامت تجيني
وتدري حجاية الشامت ثجيله
باجر شعتذر لو عيروني
أكول الوكت ذب روحي بشليله
شمعزها الروح ماذلت فرد يوم
شجاها وصارت بحبك ذليله
شجاها وصارت بحبك ذليله

تمر ليال هجرك صفنه ودموع
كل ليله بسنه وحسبها ليله
مو كتلك دليلي وياك خليه
بشر من غير دم شله بدليله


سلم لنا هذا الذوق في الإختيار

قصيدة اكثر من رائعة

عاشت ايدك ياعاشق يامتميز

شكرا ام فيصل الغالية شكرا ع المرور منورة



تحياتي

يسلمـ لنا هالذوق يالغلا ..

مشكور ع المشاركهـ الرائعهـ ..


تقبل تحياتي لكـ"رنوووشهـ"

شكرا هاشم حبيب قلبي منور مشتاقين



تحياتي

شكرا بكاني الغرام انتي السالمة يلغالية منورة
شكرا ع المرور



تحياتي