1-
امعدل يا رهي الطول لكن
الك لكنه ابحلات الريج لكن
ياريت الكان منك لا كان
وياريتك تختتم يا زين بيه

2-
هاك اخذ الجرح وياك هارف
ها دك الكلب بجفاك هارف
مثل خزلة غنم وتشوف هارف
شتن مشن كل وحده بنويه

3-
اتعكد حبلي وتشد عليه بالحال
يحالي الماصفيت وياي بالحال
تدري لو غبت شيصير بالحال
احسن لا حول الي ولا حال بيه

4-
اتنخه تريد اليوم اجيك بالحال
وانت اعرف حبيب الروح بالحال
اشما احلهه وياك ماتقتنع بالحال
ادليك الدرب وترد عليه

5-
هله ياسبب تعذيبي ولا عاي
وثمل من ساعة الشفتك ولاعاي
اشدهتني لا انت الساكن ولاعاي
ولا وياي ولا مبعد عليه

شرفني مرورك اخي اسد العراقي
لك كل الود والاحترام وتقبل تحياتي
ودمت بالف خير

أبوذيات جميلة وروعه
تقبلها مني

شكرا لمروركي اختي العزيزه ام فيصل
تحياتي لكي ودمتي بالف خير

شكرا لمرورك اخي الكريم ابو جاسم
لك كل المحبه والود والاحترام