من بعيد ..
وعيني كل لحظه تسافر
تحضن تراب العراق
ومن بعيد ..
تخطف ابالي صوركم
صوره بيهه عيون دجله
وصوره لجروف الفرات
وحتى اصوات النوارس
جنهه هاي اتصح باذني
يالبعيد ويكفي غربه شو تعال !!
ولسه عيني اطوف غركانه بدمعهه
عل الكباب الذهب مره وعل المنايرمره مره !
وذكرهه حلوه من الطفوله
من ايد امي وجنهه بيدي
وريحه ليهسه بثيابي من الزياره !!
ومن تريد تنام عيني
ولو نوت تطبك جفنهه
تحت جفني اجمع اطراف العراق
والشناشيل القديمه وصوت (داخل )
الشايل الهور بوينهه
وكلشي بصوته عراق
وصورة امي الماتفارك بالي لحظه
وياحضنهه الدافي امي
من تلمني ابين ايدهه
جني باحضان العراق
واني اكلك يل بعيد
الوطن ماناسي اسمك
ومن يذكرك
تدمع عيونه اعله خده
وفوك كل دمعه انكتب
يل مبعد اسمك !
ووينك انت ماتعود
ويمته اجدامك تدوس انوب ظهري
وردت اذبح من ترد يالغالي قهري
وشرد اكل لدجله امك
لو انشدتني بليل عنك
ولا تكسر كليبي بغيابك
ولا تحط جف اعله خدك
ووين ماتبعد احبك !!!!!

تحيات ماجد الشاعر 15/12/2008

وصورة امي الماتفارك بالي لحظه
وياحضنهه الدافي امي
من تلمني ابين ايدهه
جني باحضان العراق

الله الله الله على هذه القصيدة ياماجد

كل ابياتها رائعة بروعة كاتبها واحساسه

ارخيت دموعي على وطني واهلي

والهبت نارا في داخلي كلما احاول

اخمادها تبوء محاولاتي بالفشل

وكيف تخمد -- وهي نار البعد عن الوطن

الوطن الذي تشعب في كل خلايانا

والله ياعزيزي لاتكفي كل السطور ولا الصفحات

لأدوّن بها احساسي وهذا ديدن كل بعيد عن الوطن

دمت لنا متألقا بهذه القصائد التي أتخذها زادا لي في غربتي واعلم بان لقصائد العراق بالخصوص
لها وقع ٌ خاص في نفسي لايوصف

آسفة على الإطالة -- فانت من سمحت لمشاعري بأن تجود

الف شكر عزيزي -- وسلم لنا هذا المداد المتألق

تحياتي لك

الله الله الله على هذه القصيدة ياماجد

العراق كارثة حبة معشش بكلوبنة
تحياتي لك وشكرا على الشعر الرائع

شكرا حبيبي مغترب اسلو على مرورك الرائع وكلماتك الطيبه
والعراق يستاهل كل هذا الحب ربي يحميك اخي الكريم