انا معدل واعدل المايلات وياي
روحوا عدلوا ربعكم لا تعدلي
الصعايد ملعبي وارتاح بالازمات
واتشايل بحملي اشما ثكل حملي
ابشرك صافيه وما عندي اشكال
بس اصلا وجودك صار يشكلي
اطلع انت منها ولا جزاك خير
يامصدر الفتنه اشجاي شتكلي
رجعتوا لفتنة التحكيم يبن العاص
وبدعوة تحاور جاي تختلي
شحاور ناجي صبري وشرذمة صدام
لو هذا الارهاب المستحل قتلي
من شوكت صار الامر يعنيك
وتهمك اوضاعي تريد لم شملي
خليها لحالك واني ما محتاج
انا افتك واخيط روح لتشلي
شل افتوك ربعك من عدن للشام
خربانه العرب ياعرب متكلي
وسلملي على عمرو وكله ما مشكور
والافضل اتركه ولا تسلملي
انا علمت ربعي الراي والتدبير
خوب ما عندي قضيه يحلها ابن حلي


-منقول-
للشاعر المبدع
عطا السعيدي

شكرا لمرورك اختي الفاضله
هي عايزه ضلت بس على عمرو موسى وابن حلي يحلون
مشكلتنا
اذا مو تظافر جهودنا والناس الخيره الموجوده في العراق
صدكي محد يحل مشكلتنا
تقبلي تحياتي ودمتي بالف خير