تاري البنات اشكال مثل الجفافـي

وحده التضل للغير أواحده التوافي


كل مرض لامابيك ياخويا محسود

اوحق اليحسدك داخ بعيونك السود

منك سمعت الاه كثرت جراحـي

وشبيدي خويا اعليك قصوا جناحي

لم جرحك أو للبيت قوم امشي ويـاي

وامشي ابدلال أرجوك لاتشمت اعداي

كَـالولي ولفـك راح كَلتلهم أبعد

كَـالو صعد للغيـم كَلتلهم أصعد

من كثر حر الضلع أحترقن هدومي

وتسعين ناقة وجمل ماشالن همومي

شحجي شقول للناس من همي شحجي

مليان بالحسرات بس احجي ابجــي

اجلد ابممشاي ناحل ترانــــي

خوفي من الشمات مو من زماني

أتجدب علي واتقول , اسمع كلامك

وانا ابطيب القلب امشي ابمرامــك

عفيه كَلب مَيليــن من يسمـع إبجـاي

لو من صخر هم جـان لان وغده مـاي

شامت وقف بالباب حاير شقـــله

حيل ابجي عالمكسور أو دمعي هله

حيل ابجي عالمكسور حيل ارفس القاع

اولا تنكسر جدام شماتك ابســــاع

مر والمراره البيك محد حواهـــا

أو روحي اشتهت ملقاك عفيه اشقواها

روحي اشتهت ملقاك رغم المراره

أو بجفوفك الدلال شيطفي نــاره

متعني للعبـاس أشكي الهظايـــم



الواشي قبلي بيـوم بالحظره نايـم

متعني للعباس أبجي إبحظرتـه

والينكسـر بهواه شنهو جبرتـه

ألعب عليك إشلون وانت أعز مني

أو صدقني مو مغرور يالتتهمـني

بطلت ممشى الحيل قمت أمشي تاته

أومثل اليقودن بيه أمه أو خـواتـه


ارجو ان تنال اعجابكم

الف شكر ميس على الدرميات الحلوة وسيت
تحياتي لكي

منو ميس.....انا مصطفى بس شكرا جزيلا على مرورك الكريم والرائع
تحياتي لك اخوك مصطفى

العفو اخوية منصطفى بس اسمك صاير ميس العفو تحياتي

الف شكر على الدارميات الحلوه