البريئه

فرحان الوصف واصل الفرح خجلان
لأن وصف البريئه لوحده ما كفّه

تصور ما كدر والوصف من احتار
جاب الكُمر خاوه وكعده بصفه

متصدكين اعرفج من اكلج هيج
بس الكمر خلي عيونج تحلفه

ويحجيلج عليج وعن براءه البيج
وعن احله الصفات البيج مصطفه

يا طفلة دلال وجن عمر سنتين
ومن تضحك تعض الشفه عالشفه

ويا هيبه وجبيره وجن عمر خمسين
من حيث الادب والشرف والعفه

ويا ما ادرى شنهو وما اعرف شلون
من اوصف جمال الروح والخفه

عله طولج احس كلما اباوع بيج
ديرتنه بكصيبه وبيج ملتفه

وبعيونج بحر والنذل مو سابوح
وما يكدر يعبر الضفه عالضفه

وبشعرج هلاهل من يطيره الريح
وبحجيج فرح ومسامر وزفه

هاي انتي البريئه وهالحروف اليوم
اجتي تبوس اديج وحيل متلهفه

جابتلج قصيده من الحقيقه البيج
يا ام البراءه ونور ما يطفه

تقبلوا تحيات اخوكم الزير روماني

سلمت اخي الزير على هذا النقل والأختيار

عاشت ايدك قصيده غزل ولا أحله

تعودنه على ابداعك

لاحرمنا قلمك واحساسك

الله ايسلمچ ام فيصل وبارك الله بك لكلماتك الجميله تحياتي لكي اختي العزيزه

المشاركة الأصلية كتبت بواسطة الزير روماني

البريئه

فرحان الوصف واصل الفرح خجلان
لأن وصف البريئه لوحده ما كفّه

تصور ما كدر والوصف من احتار
جاب الكُمر خاوه وكعده بصفه

متصدكين اعرفج من اكلج هيج
بس الكمر خلي عيونج تحلفه

ويحجيلج عليج وعن براءه البيج
وعن احله الصفات البيج مصطفه

يا طفلة دلال وجن عمر سنتين
ومن تضحك تعض الشفه عالشفه

ويا هيبه وجبيره وجن عمر خمسين
من حيث الادب والشرف والعفه

ويا ما ادرى شنهو وما اعرف شلون
من اوصف جمال الروح والخفه

عله طولج احس كلما اباوع بيج
ديرتنه بكصيبه وبيج ملتفه

وبعيونج بحر والنذل مو سابوح
وما يكدر يعبر الضفه عالضفه

وبشعرج هلاهل من يطيره الريح
وبحجيج فرح ومسامر وزفه

هاي انتي البريئه وهالحروف اليوم
اجتي تبوس اديج وحيل متلهفه

جابتلج قصيده من الحقيقه البيج
يا ام البراءه ونور ما يطفه

تقبلوا تحيات اخوكم الزير روماني

قصيده رائعه جدا وأخذتني الى البعيد القريب
عاشت ايدك اخي الزير روماني كلك ذوق
تقبل تحياتي وتقديري لذوقك الراقي