يخاين انسى حبي الچان وياك
ما يحتاج تحچي أنكشفت اعيوبك
الف وسفة الحچي الي سمعتن يا
طلع كله چذب وك بدل اسلوبك
انساني وانا من اليوم راح انساك
ولاتذكر گبل چنت اني محبوبك
احرگ انت الصور واحرگ مكاتيبي
انا احرگت الصور واحرگت مكتوبك
وانا بدلت گلبي الچان هايم بيك
ذاك الي انغش بشكلك وثوبك
نام انت بسعادة وهنا ومرتاح
وانا بسهم الخيانة اليوم مصيوبك
واذا تنطيني روحك بين الچفوف
لاأرد لهواك ولا أجي لصوبك
واذا دربك الجنة ودرب عل النار
اطب للنارانا وما اطب لدروبك
واذا الله غفر للي شرك بي
بهذاك اليوم عود اغفرلك اذنوبك
اتمنى يعجبكم

منقول

دائما عزيزتي ملكة الاحساس مميزه في مشاركاتك تقبلي مروري اتمنالك المزيد من التألق

حبيبتي انتي ملكة الاحساس والرقة والمشاعر الجميلة

تسلمين ياذوق على الكلمات الحلوة

تقبلي مروري

والله تعجبنه وعلى راسي ان شاء الله سهم الخيانه ايصيب عذالك اذا عندك عذال وان شاء الله تكونين خاليه من الاعداء والعذال قصيده كلش حلوه . ولاينام بسعاده بس بكوابيس تحياتي

شكرا للجميع على مروركم والله خجلتوني بكلامك الجميل

تسلمين حبيبتي على هذا الاختيار والنقل الجميل
تقبلي ودي واحترامي