مات الشوگ بيه
وماتت اللهفه
ومو ذاك آنه الاول ..
مثل متعرفه
تغير حتى گلبي ..
مو مثل ماچان
وكل دگات گلبي اليوم
مختلفه
هواي اجروح بيه
وبلكي من انساك
ترتاح الجروح ..
وبالعجل تشفه
هاي انت الردتها
اتواكحت وياي ..
وقابلت الحنان
ابروحك الصلفه
چنت شمعه آنه الك
وسنيني محترگات
خذتني النار ..
گلي ابيا وكت أطفه ؟؟
تذكر من عطشت
أعيوني صارت غيم ؟؟
گمت امطر وأزخ حالوب
ع الشفه
وتذكر من بچيت اگبالي ..
گتلك لا .......
ذب همك عليَّ
وابقى اضحك دوم
اخاف الهم يغير روحك الترفه
شمسح من ذنوبك ..
گلي حتى ارتاح ..
انترس گلبي ابهمومك
ياهو الينظفه ؟؟
چنت ظالم وياي ..
لحد ظلم فرعون
بس تتظاهر انت
ابطيبه وبعفه
حافي اعله الجمر ..
چنت امشي آنه وياك
وياهو العالجمر .. للغير يتحفه ..؟؟

شكرا اخوية محمد السوداني على المرور

ام فيصل حبيبتي شكرا على الرد

يسلم ذوقج وعاشت ايدج حبيبتي
وانتضر جديدج المميز

حبيبتي مسرة تسلمين على الرد