لحدمن يا وطنه نايم على الغيض----وعمره الغيض مانام بثنيتك
اسمك اصبح مابين الوفيات---------وحكام العصر باكو هويتك
عدمن تشتكي وكلهه تماثيل---------يا تمثال يهتم بقضيتك
اشجم حاكم الجاك وشبعك موت---ظل ياهو اليجي يطب بخطيتك
حاير يا وطن متكلي اشبيك--------من يوم الصرت حاير لكيتك
ليش ابكل وكت مذبوحه الناسوعلى الموت الغصب فاتح شهيتك
تمنيت اتفز من نومتك هاي-------وتشوف اشلون حالك تمنيتك
اصحه يا وطن تاريخك انباك---وناطورك الباكه من اهل بيتك
كلي ايطيب ياوطن جرحك بيش---وعزرائيل هل غافي بريتك
اعرفك ما تخاف الموت فد يوم---ومعروف انته بالشدات صيتك
يا بيرغ شرف يا هيبة الديوان-----الدنيا اتصيح بالشده حميتك
يا دله ومضيف عالي الشان-----وبالطيبات ما تبخل لكيتك
نسيت الاهل بالغربه والاحباب---صدك يا وطن بس ما نسيتك
حاير ياوطن متكلي اشبيك------من يوم الصرت حاير لكيتك

عاشت ايدك ياهاشم قصيده رائعه ولي على نفس المنتدى قصيده بنفس العنوانتحياتي الك يامبدع

عاشت ايدك اخويه ويسلم ذوقك
تقبل مروري