خل نوكف وكفه ونتكابل ***وجهج خلي يكابل وجهي

ونخلي الشفه على الشفه *** ونتحاضن صدرج وي صدري

خل عيني تسولف وي عينج*** وويه ايدج تتشابج ايدي

خل نتبادل نظرات الحب *** وخل عينج تتناغم وي عيني

خل نسكت ننظر بس نظره *** واحد للثاني ومانحجي

مايحتاج الساني ايكلج *** ولايحتاج السانج يحجي

خل اسمع دكات كليبج*** واستمعي انت لدكت كلبي

خل افهم شيكول كليبج*** وافتهمي انت شنهو بكلبي

بكلبي اهات وحصره وونه***وحب جارف لعيونج انتي

حب مايتوصف عالورقه*** حب صادق اكثر من نفسي

حب قيس اشكد كالو عنه***واشكد ماحب بس مو مثلي

صالح قاسم

كلمات حلوة وجميلة
شكراً على هذه الابيات المعبرة