عندما يسكن قلبك وفكرك احدويصعب عليك ان تنام ليلك وانت مشغول الفكر به بينما هو تغرق عيناه بنوم عميق

بكت النوم من عيني وغفت عينك
وعفتني تايه بلا راي واتسله بنياشينك !
انسه هموم روحي واعبر اعله الاه
لوطارف اصبعي ينوش جفينك !
وكون كبال شخصك كلي عيون
وكون تبيع عمري واشتري سنينك !
صح. ثلاثين عمري وفوكه ثلت سنين
وخمس سنين جني اكبال عشرينك !
يل عينك مدينه وبيها ضعت سنين
ويل جنك حديقه وتسوه اغنيلك
كرنفل من كتر ومن كتر هيل ياس
ويل مكفاك جوري ورازقي جبينك
اشوف سنين عمري اطير فراشات
كل وحده اعله ورده وكلهه تدعيلك
اذن حكي من اشوفك مني روحي اتيه
واذن حكي بمراره ابعدك ابجيلك !
يل شايل جمال يفطر الصيام
حكهه العين بين رموشهه اشيلك !
اوكع بالجذب وبي صيح وشوف
وبحجة الوكعه وخلني اتجيلك !
وارتاج اعله جرحي وخل ينز بدماه !
وخل تغفه دمعتي بحضرة اشليلك !
ملاوه اني وي جدمي الماعرف احاه
ولون مشلول صدك يعتني يجيلك !
صوتك من اسمعه انتصر عل حيف
وجرحي من تلجمه يبوسك بجيدك !
واذا شايل زمرد وليلو وياقوت !
جا انه حبيبي شكدر اهديلك !!؟

تقبلوا ارق تحيه من اخوكم ماجد الشاعر .

وانتم اخ محمد تقبلوا من ارق التحايا ووافر الشكر لكم حقا عائله راقيه جدا وجميله وانا سعيد
كوني بين هذه الاسماء الرائعه والتي اتنمى لها التالق الدائم في سماء الابداع لخدمة بلد الابداع والمبدعين
اخوك ماجد الشاعر..........

حبيبي الغالي حيدر ممنون منك جدا وشكرا لمتابعتك المستمره لمشاركاتي واتمنى ان اكون كما تتمنون

الغاليه ام فيصل ان الكلمات تعبر عما في الاحساس فكون كلماتي تخرج من قلب شاعر يحس امال الناس
والامهم وامنياتهم كون الشاعر لسان الشارع فاملي ان يجد كل انسان حاجته في قصائدي وقصائدكم سلمت لي اختي ام فيصل وسعيد بردودك ..........

الله ياماجد تسلم يا مبدع على الكلمات الرائعة