أخاف أحچي و اسولف و ادري ميصدگون
محّد غيري أحسّن عرف قيمتهه

تحيّرت ابوصفهه وعقلي ظل محتار
هاي الدوّختني ابسر محبّتهه

عجز نبض الشعر واحساس اليكتبون
اذا بين السطور اخيال صورتهه

دوّرت اشكثر ماشفت منهه اثنين
شگول و شرد اسولف عن محنتهه

ضحكتهه قصيدة و ألف بيت أشعار
و چم ديوان مكتوب اعله شفّتهه

ما تعرف اتغار و هذا شي معروف
واذا غارت محبّة اتصير غيرتهه

مثل حضن امي ساعة أدخل امن الباب
تحضنني وتضمني الله يشبگتهه

نظرتهه تطيّب كل عليل ايلوع
و ادري ابعلّتي اتداويهه نظرتهه

اخت زينه شكرا شكرا لهذةه الكلمات الجميله دام وجودك شعرا تقبلي مرور اخوك ماجد الشاعر

الله يازينة كلمات فعلا جميلة
تقبــــــــــــــــــــــــــلي مروري

زينه تحياتي لك على هاي القصيده الرائعه عاشت ايدك (هل هي من تاليفك) رائعه جدا