حاير يا وطن

حاير يا وطن وشلون هذا ألصار

مو وزنك جبل ما هزك التيار

عالي انته ألچنت والجار بيك أيلوذ

شامخ من صرت من بصره للانبار

وسفه أعله الزمان ألغيرك يعراق

عار أعله العرب تركوك تلهب نار

بغداد ألحبيبه اشبيچ ما تصحين

لابد يوم تفرچ والزمن دوار

احنه أهل المكارم والصياني أشهود

وللمحتاج أصيرن انه عشره انهار

كلشي انطيت لاكن ساعة احتاجيت

يا وسفه ألحسبته أحزام وجهه أندار

لا يندار وجهك والعراق بخير

بالك والزمن يا هذا وك غدار

يبقى الخير بينه ونضل فوك الرأس

ويبقى الوطن غالي بشعبه والأحرار

لابد هل الشمس تطلع علينه بيوم

ونتكاتف سوه ونزرع ورد وأشجار

ونبقى على العهد والله احنه يا بغداد

وباجر هم ترد منچ الناس تغار

ولابد ينجلي عنا غبار أسنين

وبفضل الإله الواحد القهار

الشاعر

د \ سلام الدراجي

مشكوووووووووووووور
على هاي القصيده
ألي دمعت عيني والله
تحياتــــــــــــــــــــــــــــــــــي

الاخ العزيز مسافر انته تاج على راسي ودمعتك غاليه علينه ومرورك الاول على قصيدتي نور صفحتي اللهم اينور قلبك وقلمك المبدع تحياتي لك يلغالي والف شكر
اخوك الزير روماني