حيرتني

لان اسمك على اسمي واسمي اني وياك
اسمك صرت اكتبه من ارد احط اسمي
وشفت رسام يرسم اي شخص بالكون
رسمني وشو طلعت انته بوسط رسمي
يالطولك غصن والورد على الشفتين
ياللي حروف اسمك يمشن بجسمي
حرت شلون اوصفك والوصف شو ضاع
ويا كلمه الاحطها اتكول مو قسمي
*******
ومن كتلك كمر شفت الكمر فرحان
لان حتى الكمر انته احلى منه
خدودك مرايه وعطرك الريحان
والينظر لعينك يوكع بمحنه
ماس بلا غرور واحلى من الماس
لان الماس ما بيه شامه على الوجنه
جيم ونون ويه التاء مربوطات
يعني بكل بساطه نوصفك جنه
*******
وشفت ليل بنهار وهسه اكلك وين
واول مره مثلك جنت حاير
من فوك الكمر نازل على الجتفين
ومغطي الزنود ولونه ساحر
والكلك جميل شكد طلع غلطان
وما عنده احساس ولا مشاعر
لان الشاف حنك تيه الصوبين
وقبل لا ينطي رايه اغماء صاير

الله ياامير قصيده كلش حلوه دمت ياشاعر

اشكر يا امير علة االقصيدة الجميلة واتمنا لك الموفقية والنجاح ومزيد من الابداع في الشعر

شكرا على هذه اللردود الجميلة يا اخواني
اتمنى لكم دوام الصحة والموفقية والمزيد من الابداع
يا مبدعين اخوكم امير الشاعر

الـاــــــــــــــــــــــــــــــــــــــــــــــ ـــــــــــــــــه يا اميـــــــــــــــــــــــــــــــــــــر الكلمات