• • • • اتحنة وتلبس وفرحان يم داري ويدك دفك اتجسر تعزم الجيران تنسة الجار البصفك تصافح كل عذول المار من مريت شل جفك تغني وتطرب العذال عمدة وتغدر بولفك ولك عشرة الكضيناهة نتوسد جفي وجفك والف مرةو كلت اهواك تحلف واني ممحلفك حسبتك ماي البعيني اشوف الناس لو شفتك تمنيتك ورد بسنين عمري وماي انة بصفك صرت عيد العشك وياك ثوب الفرح لبستك فديت عيوني لعيونك كلت محبوب شيصلفك جرحت جروح بالدلال انوحن وانتضر عطفك كلت باجر تحن وتلين وتضمد جرح ولفك اثاريك بدمع عيني ايتبسم ثغرك ويضحك واثاري جروح البكلبي تشافي جروح البكلبك اثاريه العشك والشوك متعة بكل وكت عندك عساك بلجمة جروحي اونيني ولهفتي لودك عساك بغربة سنيني وشبابي الذابل بهجرك عساك مجفن بنص ليل حبي وعاذل ايدفنك