يا منيتي

خليني دمعه بوجنتچ

يل وجنتچ كلهه عسل

تشفيني

الروح تعبانه أصبحت

اورسمچ

بوسط ألگلب

محتاج الچ وبنظرتچ

داويني

داويني وأنتي ألعارفه

ومو كل دوه

أيفيد الجرح

يشفيني

ادواي محد شخصه

وكلمن سمع نبض الگلب

داخ وصفن

بسمچ سمع

كل النبض

ينبض الچ

وباسمچ تره

أيناديني

ما ضل حكيم ولا سحر

ألا ورحت يمه اگعدت

باوع بعيني ونخذل

ما شاف ألا صورتچ

بين الجفن

ترمش رمش

تشوش عليه

نظري تعب

ما شوف انه

صدكيني

جسمي نحل

ما ضل لحم

بس العظم

حجاب ألبست

طلسم نقش

فوك الصدر

بلچي تحن

ترجع الي

وبآچفوفچ

ألتحنيني

نيران بالگلب

أسعرت

تلهب لهب

لحد يظن

نار تخمد

فهميها يا بنتل الأصل ؟؟؟

وبصمتچ بالمحكمة

اطفيني

وتاليه واحنه بمحكمه

وتم الردت وانه أسعدت

وتمر الأيام بشغف

ولزفة انه أتحضرت

وتهيأت وترتبت

وبليلهه

اتحبيني

ويم باب ألدخله أتوقفت

ودعت الأخوان وفتت

وما صدكت كل الجره

انه بحلم لو بالعلم

فهميني

وتاليه ابني حيدره

جاني وصرخ

بابا الصلاة اتاخرت

وفزيت من نومي بزعل

والسبب محد يعرفه

لن انه حلمان اطلعت

والصبح صليته فرض

ما غسلت

ياريت ينعاد الحلم

بس لا يجيني حيدره

ايصحيني

الشاعر

الزيـ روماني ـــــر

والله ياابو علي ردودك تفرحني جدا اشكرك جزيل الشكر

اشكرك اخي محمد مرورك وسام اعلقه على صدري تسلم

اشكرك ياطيب يااين الطيب على مرورك الجميل الله يبارك بيك

الاخ الروماني قصيده جميله ورائعه