انفارك كل عطشنه من تردنه
وقميصي انه البسته منته ردنه
تعنينه الهواكم منتردنه
نردّك بلسلام او بلتحيه
**
الليالي ابضيم اكضيها بعدكم
وحاسب كلمن أتمنه بُعدكم
انه المامل ولا اتعب بعدكم
اضل احسب الاخر نفس بيه
**
تعبني السهر واعمه العين يرباك
ويضل جفني على ربوة شوكَ يرباك
مغيبك يا حبيب الروح يرباك
اخاف اتروح مني وهاي هيه
**
حزينه الروح محد فرّح الها
يحادي الضعن لجلي فر رحلها
من صدري اقليبي فر راح الها
وبقيت ابلا قلب بس روح اليه
**
بعيني دوم اشوفنك ورسماك
واحط اسمي بهويتكم ورا اسماك
تغيب الشمس بلمغرب ورا اسماك
وتبزغ يا كَمرنا بكل مسيه

سلمت يداك اخي غفران كلمات غاية في الروعه


تقبل تحياتي