كم بيت من الابوذيه بلكي يطلعن حلوات
عيني من الدمع جفت وشالت
ويدي من الطم عابت وشالت
على العافت منازلها وشالت
اعزاز ولا عرفنه اليا نويه
--------------------------
بيش الحك زماني بعد والحك
ابرجال الما تميز البطل والحك
سطرني الوكت باليافوخ والحك
علي طكات حيل اوجرن بيه
------------------------
علامج دومج اطحنين يرحاي
ولا ساعة توكف نزف يرحاي
نفذ صبرج شلج من راي يرحاي
انكسارج ورج الشمات بيه
--------------------------------
موحن من بيابي العين ينهار
ابسبب كل التنصحه عكس ينهار
الوكت مثل الجرف لحظات ينهار
علامك ماخذت منه سجيه
----------------------------------
على راسي لدك ابصخر هدماي
ركد حيلي وبعد ما شيل هدماي
من مثلي على كاع البور هد ماي
دمع مو ماي فاض اعلى الوطيه
رد مع اقتباس
