انت كل الحب يا أغلا غلاي
= انت أول في حياتي وأنت تالي
كنت أشوفك في سكوتي في بكاي
= في هدوئي في ارتباكي وانفعالي
وكل ما تمطر سما عينك سماي
= تنبت جروحي ويتلون ظلالي
ورغم ان اللي مضى ماهوب جاي
= وصعب ترجع للورى أحلى الليالي
انت تبقى بسمةٍ تملى شفاي
= وغالي حبه تجاوز كل غالي
لين شفتك أرمي همومي وراي
= والسما لي تبتسم وأنت السما لي
غبت أو ماغبت احس إنك معاي
= ساكن بقلبي وفي عيني وبالي
فيك اشوف النور في لحظة عماي
= بك هدوئي وارتباكي وإنفعالي

انجي الى الامام والمزيد من هذا النوع من الابداع

شكرا على الكلمات الاكثر من رائعه

شكرا للمتابعه.....