أجلبنك يا ليلي 12 تجليبه
وينك يداود أوين هل ألغيبه

من غبت ورحت بغداد تعبانه
ما شافت فرح والناس هلكانه
المن اشتكي أليا ساقط هنأنه
كلهه أتغيرت والراح شيجيبه
وينك يداود أوين هالغيبه

بس أنت جنت معروف بالميدان
واليوم الشغل كله على ألبيبان
كلهه جاهزة وتقدم الغلمان
وبعلم العمائم هاي مو عيبه
وينك يداود اوين ها لغيبه

كلهه أتغيرت بغداد ما هيه
من غبت اختفت مريم الكردية
جنه بألف خير وألف حنيه
واليوم الشعر كله أنصبغ شيبه
وينك يداود اوين ها لغيبه

الحكومة الساقطة كله ربت بإيران
(وانته باللبس اعرى من الستيان)هذا المقطع ليس الأصل وتم تغيره خوفا على مشاعر الآخرين
انقلب كل الوضع وزحلك الميزان
صارت بيد كافر شاتنه وذيبه
وينك يداود اوين ها لغيبه

اليوم البلد صارت بيد شيعيه
مو شيعه عربنه خوت علوية
شيعتنه ورد من نفس عربيه
بس ألمشكله إيران لمصيبة
وينك يداود اوين هالغيبه

مو شيعه عربنه بثوره العشرين
شيعتنه زلم كلهم ورد طيبين
بس ألمشكله الأحزاب مختلفين
گلوب أتغيرت واختلفت ألطيبه
وينك يداود اوين هالغيبه

راح اللمبجي وبغداد مگلوبه
بيد الكفر صارت هسه منهوبة
طار الخير كله وأيد مسلوبة
ما ضل صبر بينه وجتي ها لخيبه
وينك يداود اوين هالغيبه

بيمن انتخي بصولاغ لو يا عباس
كلها جايفه من الساس حتى الرأس
مأسور الشعب بيد خلگة كناس
وليحكمنه كافر بي ألف ريبه
وينك يداود أوين ها لغيبه

بس بيك انتخي وقود البلد انته
ويا هو اليعتدي داخل سجن زته
النسأ باعت ذهبه وكوة عافته
صفت للفارسي دا ينترس جيبه
وينك يداود أوين ها لغيبه



هاي أيام ضلمه وضاعت القادة
كلهه قرود ولامريكيه منقادة
وقنبر شايله ونايم عله وساده(اقصد الهم)
إذا احجي علي هم تعتبر غيبه
وينك يداود أوين ها لغيبه

ولى اللمبجي وحسنه بلا رجعه
والواجب علينه الوطن أنرجعه
گعدو وياي سنه وشيعه فد ربعه
ونصفي ألگلب والخاين أنعيبه
وينك يداود أوين ها لغيبه

واجلبنك يا ليلي 12 تجليبه

حبيبي الروماني العزيز 00

انت تعتب على اللمبجي00مع الاسف00

المطرب المرحوم يوسف عمر قال عنه الكثير او ما فاد وياه00

لك كل الاشواق00