أحجيلي يبعد الروح ليش اتريد تنساني

مجبور أنت عالنسيان لو عندك شخص ثاني

إذا قصدك تعذب الروح ارضى بكل عذاب آني

لأن مو بيدي أحبك حيل وشوكك حيل أذاني

وتدري انت عليك الجدم ياما بشوك عناني

وعلى الحلوه وعلى المره سنين وياك عشت آني

انام بحزن واغفى بضيم وأصحى الحزن يتناني

ولا اقبل فد يوم غيرك يدك بيباني

لأن حبك سره بدمي ويسري بوسط شرياني

لجن حبك يبعد الروح ابحر اضنون خلاني

ضنيت بيوم ردت أنساك أحس تحركني نيراني

وضنيت العكل مني ما يرد ثاني

وضنيت الغدر يلفيني حتى من اهلي وخواني

ضنيت اليموت يطيب بس ما ضنيت تنساني



( من دفتر خواطري )

ولكم جزيل الشكر

عسى ان تنال أعجابكم

هي موبس نالت اعجابنه

هي سلبت منا ارواحنه
00000000000000000000000قصيده في منتى الجمال والروعه
والله لا يحرمنه من ابداعاتك الجميله

الاخت بنت الرافدين المحترمه0000

كلمات في منتهى الشفافيه والله لا يحرمنه من دفتر خواطرك

زيدينا من دفترك و وابداعك الرائع