هيج يصير بينه احنه العراقييت
صرنه بكل بلد ياناس مطشرين
من عدنه راح العمر بيه احلى السنين
ضلينه ابهلغرب والله مدمرين
هيج ايصير بينه احنه العراقيين

ليش ايصير بينه هيج يوميه
جاوبو الكتل وحرب الطائفيه
اذبحو حتى الطفل البيده مميه
مابيهم رحم بس الله اليعين
هيج اايصير بينه احنه العراقيين

مكتوبه علينه انعيش باحزان
وببلادى العزيز ايصير بركان
تره هايه خطه صدكو ياخوان
خطه مدستره ومكتوبه صار سنين
هيج ايصير بينه احنه العراقيين

يردونه واحد يكتل الثاني
وانه انسه العراق والغى عنوانى
اي موعلهويه انكتلو اخواني
وابهذا اعمل هم يقبل الدين
هيج ايصير لبنه احنه العراقيين

يردون العراق ايعيش بالهم
وابلادى ينذبح ايصير كله دم
كومو يولد الخال ويه ولد العم
صدكونه تره للفرح مشتاكين
هيج ايصير بينه احنه العراقيين