شسولفلك يا بغداد بقلم عبد القادر الزيناتي
شسولفلك يا بغداد
والسوالف بيك حيرة
البعد00 ذل وقهر
وروحي 00 صارت لها اسيرة
مو عراقي 00
لا عراقي 00
غصب عن كلمن لحكمك يديره
ال يشرب من دجلتك 00 ويتنسم هواك
ويعرف رصافيها 0 وكرخها
ودرابينه الكثيرة
شعنده العراقي 00 ويكول عراقي انه
غير اسم العروبة
مرتبط بيه وبمصيرة
عنده من كرم حاتم 00 زود الكرم
وفروسية عنترة 00 وشجاعة ابن المغيرة
عنده من نخوة المعتصم
من شرب مي دجلة 00 عربي النخوة
ومن هواها زادت عليه تاثيره
واني عربي 00 وكل ذوله هلي الي والهم
ومصيري من الزغر 00 مربوط بمصيره
مو اعجمي والضاد بحلكي صعب
والاعجمي ما يحن وفاقد لغيرة
لا تصدقين يا بغداد 00
شيكولون عنه
حبنه الك
حب ام لطفل وتهدهد سريره
ودللوه يالولد يا ابني
اعربي انت 00
نشمي نت 00
وانت صاحب الغيرة
شفتي ابن 00 يشكك لامه ملا بسها ؟
لو اخو لاخته يخطفها اسيرة ؟
احنا لو شفناك متفرعة بليه جرغد
نقطع اجلودنا وجرغد على راسك نديره
واحنه لو خطفوك العجم خية
تعمه عيونه وما نرضالك الحيرة
شسولفلك يا بغداد
وانت مثل القدس مكظومة واسيرة
بلوة بالقدس احنا ابتلينه
وانت زناة الليل 00 على بابك صارت كثيرة
اساميك اعله بالي ارددها
يا دار السلام
ويا محله اساميك الكثيرة
واولادي احفظهم حروف الاسم
بغداد ياابني بالقلب مثل 00 قدسي الاسيرة
ايرودن انسى هواك 00
وما يدرون
نفس انتي 00 ولدمي يديره
وانتي نبض
00 ويحرك القلب 00
والقلب لولا النبض 00 شنهو مصيره
مشتاق لك بغدادا
00 شوق ومحنة
ابو لبنتة الصغيرة
ومن دونك بغربتي
مثل خبزة 00 ما تصير بليه خميره
ومشتاق
شوق ام لولدها 00
غايب حتى يرجع
مريض حتى يشفه
00 ولبنتها للمدرسة
00 تشدها الظفيره
الزيناتي
رد مع اقتباس
