السلام عليكم

شباب وبنات اريد اعرف هذا اللي ديصير بالدراسه عدنه

اني ادرس بمدرسه ثانويه وعددنه كلش جبير
وقبل يومين مهندسين من التربيه هع يكولون المدرسه يمكن توكع لانها قديمه
ويريدون اخلاء المدرسه خلال يومين فقط
وراح يدمجونه ويه غير مدرسه
وشوفوا اختياراتهم وانتوا حكموا
اول شي يريدون يحطونه ويه اعدادي ولد وهذا شي عمره مصاير بالعراق كله
يعني هم احنه الدوام الضهري وهم ويه ولد
طبعا كل الاهالي اعترضوا لان هذا مو خوش اقتراح
زين الثاني يريدون يحطونه بمدرسه ابتدائي ونصير كل صفين سوه يعني قريب 100 طالبه بالصف
وهم فوكاها يصير دوامنه من 1 الضهر الى الخمسه او السابعه بالليل
زين اني هسه خامس وسنه الجايه سادس يعني شلون
احنه شنو ذنبنه


يله كولولي شنو تختارون
ان بالنسبه اليه لا اريد هذي ولا هذي خلي المدرسه توكع فوك راسنه

والله يا اختي حقج وانا لا اعلم مالذي يحدث ففي كل بلدان العالم يكون ترميم المدارس والكليات وغيرها من المؤسسات التربويه والتعليميه في العطل الرسميه حتى لا تعيق عملية الدراسه والدوام في هذه المؤسسات الانحن واعتقد ان هذا يكمن في سوء التخطيط وضعف الاداره والفساد الاداري ففي منطقتي توجد مدرسه لايوجد فيها الجام والابواب منذ ثلاث سنوات وفجأه جائت ثلاث لجان من ثلاث جهات كل لجنه صرفت مبالغ خياليه فما كان من المدير الا ان يستلم ثلاث مرات الجام والابواب لان كل اللجان رفضت الانسحاب واصرت على التسليم " بيهه فايده " .

اي والله يا اخي
شنسوي بعد
هذا الله وهذي كتبته

شكرا على مرورك الجميل

يا اخي عمر
محد راد هذا العراق
واللي رادوا هذا الشي يصير ورادوا هذا العراق همه ناس الكل تعرفهم وانته اكيد تعرفهم

شكرا على ردك