مساء الخير اخواني
اسمحوا لي ان اكون عضو جديد في المنتدى وصديق جديد لكم واتمنى ان تنال اعجابكم هذه المشاركة

هلا يا الجاي ويسبقنه خياله (ظله)
علواه كون يقبلني خيا له (اخ له)
اذا ما عاجبه وتارس خياله
عاد وياه تجمعني الخويه


احلامي بعيد تاخذني واردها
واشوف بعيني وم اشتمن وردها
اكو غيري وصل قبلي وشمها
واليقهرك ... بعد جيراني هيه


أنه الصاير بهجرك دلة لوني (لون دلة القهوة من سواد التعب)
والمضيعني اجاني دله لوني (استدل علي من لوني)
أنه الجنت المدلل دللوني
وادلل بيك ما راضي عليه


نسبكم نسب كَلبي وانتم آله (آل فلان)
ولا حب كَلبي غيرك وانتمى له
حلاله انته يالاسمر وانت ماله
ورصيدي الباقي بالدنيا اليه

مع المنى بان تنال اعجابكم هذه الابوذيات لشاعرها

اهلآ وسهلا بيك حبيبي ابو كرار ..
نورتـنــــا..

شكرا على الابوذيات الحلوه ..
تحياتي ./ تقبل مروري.

ممنون اخوية محمد على الاطراء الجميل
والى مشاركات جديدة انشا الله

عاشت ايدك اخويه حيدوري واريد بعد ابوذيات اقوى تقبل مروري اخوك اسعد