انا شيعي وانته سني
رتبها مثل ما تريد

و بيني و بينك خلاف و وجهة نظر

بس يبقى عدنا قاسم مشترك

لا ينسي و لا ينمحي و لا ينكر

أسمه الحسين و من أكول أسمه

أحس دمع العين يريد ينفجر

من عنده أخذنا أعظم دروس

و من يومه تعلمنا مواعظ و عبر

و اللي صار ما بيني و بينك

مو تحصيل حاصل و لا حسبة قدر

هذه بذرة تفرقة إنزرعت من زمان

هذه مكيدة و تدبير و مكر

و لو جاك غريب و كللك

هذا ماضي و مر عليه 14 عصر

و بعد ما يفرقنا لا طاغي و لا محتل

و لا ذاك الارعن الي يكفرحتى الحجر

تعال آنا وياك الأيد بالأيد

نمشي و ننتخب بأسم العراق الحر

و نمزج بالقلم دمي ويه دمك

ونطي لاخوتنه حقهم كبشر

و نكتب على العلم الله اكبر