زفيت للأنبار بشارة ما ألهامثيل دزيت طارش وصل بمداد لرض ابطال
كلت عونج يا ارضنة صحته بعالي حيل اجنود الله جتج مضروبه بل امثال
اجتج ما يهمها جلاب و علوج الذليل اجتج نور صاطع مثل هلة الهلال
أبد و الله لغير ارضج قلوبنا ما تميل ونجيج حتى لو كطعتنى سيوف الانذال
ارض الانبار ارض مولانا الخليل ارض طيب و كرم و مشرعة الاصال
بعزم واحد احد نرد ذاك الجميل و الله اكبر نرددها و نطبق سورة الانفال
هذا ابن الرمادي ابن الديوان الاصيل يهد الروح فد هدة و ما يسئل سؤال
حي الله اهل الرمادي من جيل الى جيل زلم بل شدات و ما تكدر تعد الخصال
دعيت الله يسلم يا ام الشعر الطويل و يزيح الغمة عنج و يوحدج يا ام الاطلال
و اخيرا شكثر صابج عدا و اذاج حيل نشوف الله يكطع عنهم دابر الامال
لانج ارض طيب ومحبة وهيل محال الله يعوفج لا و الله محال

اتمنى تنال اعجابكم
بنت الرمادي وافتخر

شكرا لكم جميعا
مروركم كان اروع عل صفحتي المتواضعة
نورتو الموضوع

حيا الله بنت الانبار .
وصح لسانك .
والله لو قلت
هلي يااهل المحمس والبريجي .......ويكهوت غيركم حنظل بريجي .
لقلنا صح لسانك.
وقول شاعركم .....

أجم حيدقتلنا ولا اددينه........ ولانمنه فزز بين الغراب .

حيالله اهل الانبار من القائم الى حدود بغداد .
والنعم وفيتو وكفيتوا .
اهل الكرم والطيب .....واهل المرجله ...ودعاة الوحده ......والانتصار على الطائفيه والارهاب والتمزيق.
حيا الله الرمادي واهلها.
وحيا الله العراق بكل طوائفه وبكل اعراقه ودياناته وعشائره.