لِوطني - العراق -
كُل ما تسقط ورقة يرقاء
أُصلي


(1)
يمي دمعه او يمي أم
أو يمي ورقات وقلم
او يمي ناس ..
بكل كتر مليانه هم
جردت كل العواطف
وأدري خايف
بس اجردها العواطف
تنكَلب تصبح عواصف
او ماكو غيم
اوماكو كَمره
ونگّطــت بس ماكو قطرة
وماكو صوت الله واكبر بالمآذن
بس علت الاصوات بحلوگ الزلم

عندما نرى الأمان يرتجف خوفاً
(2)
أو شفته يمي
وجهه اصفر
ولا بس اسود
صوته يهمس
جاوبيته بكِل براءه
وبيده قرآن وقرآءه
وكَام صلّه وما سمع صوت الآذان
بس عله اصوات القنابل من تفجر باٌلحنان
باوعت شكله غريب
وأسألت وبكل جراءه منهو انته
جاوب وخجلان مني
كَآل يسموني الأمان ...


ذكاء طالب
(3)
سألو طالب
واحد وتجمعه ويه الواحد
شكَد الناتج .؟؟
صافن ظل واكَف محتار
باوع يمنه شاف الجنه
وباوع يسره شاف النار
واحد سني أو واحد شيعي
وما يعرف المن يختار
فكر زين وجاوبهم بالناتج يطلع
يمكن مية بلآيه اصفار ...!!!


دراسة في القراءة الخلدونية
(4)
دار داران دور
وين الدار او وين الدور
دار اتهدم فوك اطفاله
او داران الهجروهُ أعياله
والدور ابكل قاطع صارت
مهجورة ونيران تفور
وهاي الحاله
او هذا الدار وهآي الدور
مهجورة ونيران تفور ......

مستحيلات في واقعنا
(5)
شايف نجمة تنام بليل .؟
أو شايف فارس ما يعرف يركبها الخيل .؟
لو شايف صبّآر وثمّــر ورد الهيل .؟

شايف نومة تفز من غبشة .!
او شايف حاكم ضيع عرشه .؟
لو شايف عصفور يهدم مرة بعشّه .؟

شايف دمعه تسيل بلا خد .؟
أو شايف ذيب؛ من الشاة أيروح ويشرد .؟
لو شايف عريس ولابس ثوب الاسود .؟

كلشي يصير
وكلشي يصير
وبعده الفلاح بمسحاته
يزرع حنطة ؛؛ ويسكَي شعير
وبعده الطير براحه يطير ؛؛
كلشي يصير




كل التقدير
زياد البصراوي
16/6/2007

مشكووووووووووووووووووووور
على الكلام الجميل
أرق المنى

مشكووووووووووووووووووووووور
على الكلام الجميل

اشكرك عزيزي الغالي ابن البصرة الفيحاء لقدحملت في مقطوعاتك نسيم شط العرب انها حقا رائعة واتمنى لك التوفيق0