متأخر كشفتك وانتهى الموال

مثل شوفة الميت عين الاحباب

ومرات اويه روحي اتعاند الروح

واذب الصوج بيه وكل الاسباب

تلمست الجروح باصبع الحيف

لكيت احروف منك بيهه نشاب

لكيتك بيه ندبه استغربت وين؟؟

جنهه آثار خنجر لو أثرناب

شمس الحجبتهه ابخيمة الليل

متأخر دريتك لبستهه احجاب

صوبني غواك وضيعتني اسنين

بعد مالي دليل انوب ينصاب

تحلم بعد مني تشوفني ابجيك

حتى الدمع منك بطل وتاب

توني اعرفت طعنك بالظهر غيض

شكد غالطت نفسي ودمي ينساب

توني اعرفت دربك مقصلة موت

كل عقلي كبل سميته محراب ؟؟؟

من تصلب ابروحي اكبال شمات

شتحسب ؟؟؟تفلها اوياي بعتاب؟؟

حتى الدمع منك بطل وتاب

الله روعه روعه روعه
كنت مبدع اخي تحياتي لسموك