مداري اعليك يسمر ...... ظل مداري
وبس حبك لكلبــــــي....... ظل مداري
عكبك صفت وحشة و..... ظلمة داري
ونيران الهجر سورات بيه

***********************************

يا سلمي بحياتي ..... وانته حربي
ويا برد البكلبــي ..... وانته حر بيه
اريد انطيك كلـي ..... وانته حر بيه
وسو شم تريد تسوي بيه

**********************************

حبـــــــــــك بالكلب خلف .....علامة
وخوفك مني من شنهو ؟..... علا مَ ؟
وانه بحبك صر راغــب....... علامة
واغني جبير حبك باقي بيه

********************************

حبل الشــــوك لا تكطع ..... وصاله
والك بكليبي جم غرفة ..... وصاله
فدوه تروحلك نجــوى ..... واصاله
وياهن هم لطيفة التونسية

انه المايوم بعتك ونته داري
وصرت گلاده لجلك ونته داري
هلي والناس انته ونته داري
واساسك مو دغش غيره وخويه


العسل جمع حلاتك كونك انت
اذا توشيبا آنه كونك انت
كون انضرب طلقه كونك انت
الطلقه التطب گلبي وتبقى بيه


كبل عنقود خدك يمي داني
صطيت وجفن عينك يمي داني
اغم كصتي واصيحن يمداني
يمي وماخذت ثاري بديه


اطلبة واجة وفاني سوادين
شدهني وصارن براسي سوادين
يحكلي احزن عليك البس سوادين
الوجه والثوب اصبغهن سويه


ارضعتني الدنيا همهة من نهدهة
طحت والطيحة طيحة من نهدهة
والله ابصدري حسرة من اهدهة
ابجي المن صخر قلبة عليه


حبيبك لا حلو اصلاً ولاصاك
اجاك وخربط احوالك ولاصاك
مبين ماتعرف اتصك ولاصاك
دجرب بيه صكه وهاي هية


غريجه الروح بأحزاني من يسرهه(من يفرحهه)
شوكت ترجع الضحكه من يسرهه(من الاسر)
أذا حتى الروح تفشي من يسرهه(افشاء السر)
دكَلي شلون امن بالبنيه

دوم انشد عليك الراح والرد
الوفه منك نبع والطيب ورد
ردت منك جواب الهاي والرد
اعز الناس مايسال عليه

من رديته
ثوب حبك يروحي من رديته
شعرت بنار صدرك من رديته
وگلبي بنضرت عيونك مرديته
ورديته الي يبچي خطيه


وحق الواحد القهار لالــــــه
الك مشعل براس القلب لالــــه
بدر أنت تضل للخير لالــــــه
لنك وفي يلذات الطيب والحميه


يا دمعة العين هلي وجرحيلي وجن
الراح مني ابو حقي من انوحن وجن
فاتت مصايب كثر ونوب ردن وجن
اخذن عزيز القلب شنهي شبقة شضل الي
الابو خيمة لوكبر ردتة انة يضل الي
يا سدرة المنتهى فوق الابو ضللي
خافن يصيبة برد لو عين حاسد وجن

يسدرة علابو لونام ضلي
ردتنة من الجليل يكون ضلي
خذاه الموت وانة الحزن ضلي
اون اعليه كل صبح ومسية


مو مثل حزني احزنت اختً لخوهة ولم
مشدوه من فركتك حاير ششلن ولم
الفرح عاف القلب ظل بس حزن بي ةلم
جي رحت عني غفل وانت الجنتلي ونس
حارت بعلتي بشر اصلاب جن وانس
والعاذل المفتره ذبالة كلمة ونس
خلاني اكت بالدكع واحجي علة روحي والم
يروحي ارجوج طول العمر حزني
وترة فراكك يخوية اليوم حزني
لاام احزنت واوصلت حزني
ولا اخت بحزنهة وصلت ليه


اموت ابأسود رموشك وعيناك
وصدكني لو ناقص وعي ويعيناك
ولحطك بالكلب حارس وعيناك
ويضل كلبي بحماتك مو بدية

تكافي من البعد يا ترف...بس بس
منو البذنك عالهجران...بس بس
جنت تركض ورايه اتكلي ...بس بس
شجاك اشغيرك هسة عليه

الوكت وياي يسري مسره حيه
ولافديوم جفك مس رحيه
وعلي صرت بغيابك مسرحيه
وبلاش الناس تتفرج عليه


احن عليك ياصاحب_وهم بيك
وجفي صافح الميسم وهم بيك
هم بيه اشوفنك وهم بيك
تأذيني وتهيج علل بيه

ترف ياللي بطريق الهجر ماشيت
عجب بجفلك عني العقل ماشيت
عاندني وتدلل واخذ ماشيت بس لاتبخل بوصلك عليه


صارلك سنتين عن عشكي مسائل
ودمعي من نزل عنك مسائل
حبك مو كتابه وحل مسائل
حبك بلدراسه الجامعيه


بحر الجفة مايلة,بحر الوفة مايلي:
وآنه بهواك اعتقد غاية وقصد ما الي.
اعربلي يا صاحبي جنك ذكي ما يلي:
كان لو جابت خبر ينرفع لو ينظم.
والعاشرك يا ترف ينسعد لو ينظام.
والعوج يبقة عوج ما ينعدل ما يلة

انشاء الله تعجبكم

.......................................

منقـــــــــــــــــــــــــــــــــــــــــــــــ ـــول

.............................................

بس على مود لا يزعلون المشرفين

مشكور اخي على مرورك الجميل

تحياتي الك

مشكور اخي معذب القلوب

مشكور العراقي الطيب

على مروركم الحلو

تحياتي الكم

شكرا ال ياخوخت المنتدى الرائعه زين هي للمشرفين الجماعه شعليهم هاااااااااااااااااااااااااااااااا
ههههههههههههههههههههههههههههههه لالالا يستاهلون

ههههههههههههههههه يالله

خليهم يردون هم زين يعبرون عن رايهم

تحياتي للجميع منورين الموضوع