تحشيشه عجبتني او حبيت تقروه


ضابط ديختبر جندي تحشيش مو طبيعي

فد يوم واحد انضم للجيش العراقي الجديد فصاح علية الضابط ديختبرة يعني ايشوف الحالة النفسية مالتة فكلة

اذا جاك جندي من العدو شتسوي رد علية الجندي الجديد كلة سيدي اضربة طلقة واكتلة ابمكانة كلة عفية بيك

كلة زين اذا اجاك خمس جنود رد علية كلة سيدي احط الرشاشة على الصلي واخرطهم وذا بقى واحد بيهم اطلق علية رصاصة الرحمة واموتة كلة

الضابط عفية وليدي انت بطل
كلة زين وذا اجاك عشر جنود كلة سيدي اطشر خمسة برمانة واحط الرشاشة على الصلي واخرطهم
وذا بقى واحد عايش بيهم اضربةرصاصة الرحمة واموتة كلة
الضابط عفية هاي المرجلة

كلة زين واذا جتك دبابة وعشر جنود كلة سيدي اضرب الدبابة اربي جي وبعدين اطشر خمس جنود برمانة واحط البندقية على الصلي واخرطهم وذا بقى واحد عايش بيهم اضربة رصاصة الرحمة واموتة كلة الضابط انت ذيب امعط عفية بيك

وراه كلة الضابط زين اذا اجاك ثلاثين جندي وياهم دبابتين او طيارة اباشي شدسوي كلة الجندي


سيدي من طاح حضة الهيجي جيش شنو وحدي بساحة المعركة