المقتل الكامل لاربعين الامام الحسين(ع)
لايوجد في المنتدى مكان مخصص للاهزوجه(الهوسه)فسوف انشرها هنا الى ان يتم تخصيص مكان مناسب وشكرا.
جم حسره دليلي وآه فتته
شمذكر موقف الحره بيوم احسين شافته
صعدت فوك تلهه وحيل نادته
تكَله شلون خلافك زينب ياهو اليحميهه
بيوم الي اندهته وين اخوي احسين
ولوني وعكَعب عينك مابقالي امعين
شبيدي وعالثرى مسبوله هالجفين
بيوم النادت جاوينه احسين اعلتربان امدد
دكَلي ابكربله زينب بياحال
تكَول الهم وسط كَلبي بياحال
فكَد احسين ماخله بياحال
ويريت اوياه دفنتنه سويه
لون كَبرك يخويه يكشف اترابه
نزلت وخل عليّ تتغلك ابوابه
الدليل اشضلته من راحو احبابه
لاتضن تفرح بعد احسين الروح ولاتتهنى
المثل زينب وابوها الي حضر سلمان
ميسوره وخوها اموسد التربان
اله راده ابسبيهه وراضي الرحمان
يريدالناس اتامن وسولف بيهه
زينب يوم خطبت تيهت الافكار
ابقصر ايزيد ضلت شاخصه الابصار
ضل ايزيد يرجف والعقل محتار
بيوم الخطبت زينب تيهتله افكاره
ابو محمد الباقر من صعد العواد
وضح نهج جده وبكلامه جاد
بجه الشام كلهه اوكَف بالمرصاد
وخله الوادم ندمانه ابن الماهبط للذل
مفرق طرق ردت كَاصده الديره
نادت ياعلي السجاد كَلبي باقي ابحيره
يعمه لدرب ابوك احسين خل انجده ونسيره
الروح اتون وتريده وتبجي اعلفراكَه
خذت كل الطريق الكربله بس نوح
مابطلت بواجي والدمع مسفوح
تعلم عالنياحه وحن حمام الدوح
بيوم الناحت زينب يم راعي الغيره
تلكَه الضعن جابر من سمع النحيب
بدمع جاري اعلخده والعلي ابترحيب
بعد هاي المصيبه الدنيه شنهي اتجيب
اليذكر يوم الطف وزينب كلشي ايهون اعليه
علي يحجي ويجابر والدمع همال
يكَله هنا يعمي انجتلت الابطال
حركَو كل خيمنه وهجت الاطفال
اطفال وهجت بالبر ياهو اليحميهه
يسمع جابر السجاد ودموعه عليه تجري
يكَله شصار بينه اهنا ياعمي لون تدري
كَبل حسين ريت السيف حز نحري
ولاشوف مصابه بيوم الحزو نحره
تشكي الحال زينب يوم سلبوها
وتكَله ابسياط اعداك ضربوها
عكَب عينه ابيسر وبسبي ذلوها
شلون اتهون الخوه يالبيكم غيره
مشت صوب الشريعه اتشوف جافلهه
تتعثر اودمعت عينها اتهلهه
تذكر كلامه بيوم كَللهه
كَومي ابختي ولاتهابين السيف ابجفي امجرب
كَوم انهض يخويه اوردني للديران
موش انته اكفلتي ياكمر عدنان
الف وسفه تضمك خويه هالتربان
وترضى الناس اتعاين شخصي وتومي عليه
لمحمد شكَله لونشدني وكَال
وين اهلي يزينب وينهم العيال
وين الحمل اضعونه ابليل وشال
اوين الشال الرايه وسيفه ايلوح بيمينه
طلعت مرى ونادت من ورى الجموع
تتعثر يويلي والنفس مكَطوع
يبن حذلم ابهيده هالكَلب موجوع
الروح تلوج وتنشد عن احسين واخباره
(بقلمي المتواضع)
وتحياتي للجميع
30/12/2011
رد مع اقتباس
