القصه:
بنيه يهوديه اسمها( رجينه) تسكن في مدينه البصره الباسله قبل ميه سنه تقريبا مع الاحتلال البريطاني اعجبوا بها اربعه عراقيين يمثلون اكثر طوائف الشعب العراقي منهم سني وشيعي ومسيحي وصابئي فاليهوديه جانت تطلع يوم السبت مثل ما تعرفون السبت عطله اليهود مع العلم ان اليهوديه ظليعه باللغه العراقيه (الشعبيه).
هاي البنيه اليهوديه ما جانت تطلع بس يوم السبت علمود العطله فالاربعه يوكفون يتنازعون على حبها عن طريق الشعر الشعبي بالذات طور الابوذيه
المسيحي:
احس روحي اختقت من سبتها(عفتها)
اغط بالنوم واحيا من سبتها(السبات الشتوي)
شوكت تطلع رجينه من سبتها(يوم السبت)
بوداعها بالسفر موجب عليه
السني:
سني صافي المذهب وملكاي(المذهب المالكي)
عليج احرك امواشي وملكاي(املاكي)
خذيلج شخص سعدوني وملكاي (اسمه سعدون الملاك)
عبد للمير بس الدين اليه(المير معناها رجينه اليهوديه)
الشيعي:
سلوها وسلو غيري وسلماي (اسألوا رجينه وغيرها وحتى الماي)
وعليها اتكطعت روحي وسلماي (مرض السل نزل مثل الماي)
خذيلج شخص شركاوي وسلماي(اسمه سلمان)
مذهب جعفري وعنده وصيه
الصابئي:
رجينه ما تنشد على حالي وسني (عمري)
وغرام الشوك ذوبني وسلني
روحوا ما تريد لاشيعي وسني
شنو رأيكم شراح تختار البنيه