انته شاطر

انته شاطر نعــــــــــــــم في كسـر الخواطـر

علكَت احلام حبنــــــه بمشنقة وكتبت عاهر

انته شاطر

صرت استاذ وتدرس طرق اخفاء المشـاعر

وتيهتنـي بلليل هجـــــــــــــــــرك وانه شاعر

انته شاطر

تكَول انســــه شلون انسه وانته صايـــــر

هســــــــــــــه بعد شويه يمكن عكب باجر

انته شاطر

وذكرياتك تتــــــــــــــــرس بطــون الدفاتر

والعشك كلمـــــــــــــــــة شماته بحلكَ فاتر

انته شاطر

وعترفلك موت انته واليحبك يبني ساتـــر

وتشبح عيون المنايه ولازم يزور المكَابر

انته شاطر

وعترفلك اني احبك ومستعد للموت حاضر

وعترفلك انـه احبك حضر سيـوف وخناجر

انته شاطر

اعترف موشاعر اني وابد

مااملك مشاعر

انه ماعندي علاقه ولاتعرضة الخيانه

ولاغدربيه صديق

وماتخلوا عني اخوتي بيوم ضيق

والاكتبه وهـم مـــــن نسج الخيال

والشعـركلمات سهلـــه ومـومحال

فقط سجل كلمــه حلــــوه للجمـال

الشاعرالشيخ ابوحيدرالشويلي

الله مبدع شيخنا الجليل قصيده رائعة
تقبل مروري لك فائق احترامي