فضيت الكلب بس الك مو للغير
ولخاطر رضاك الجرح صاحبته

أمنتك كلب لو جان يم ابليس
يسجد والخشوع يفيض من كصته

ما اكتب شعر بيه الخيال خيال
شما باوع عليه جدامي ساحكته

ولا اكتب قصيده الصور بيهه جروح
من اقراهه اموت وانذبح سكته

أسألك من خنت تعرفني كلش زين؟؟
لو بس بالأسم وتكول فاركته

انه الماضعف كلبي ورجف ممشاي
اجذب الكال كلبي تنسمع دكته

بحر حبي وركبته وانته مو سفان
متوهم تكول البحر غركته

حبيتك نعم ما اختلف وياك
وأحس حبك ملح بشفافي من ضكته

وأنطيتك حنان الدنيا تحلم بيه
لاكن بالمقابل شنهو قدمته؟؟

عفت كلبي بغيابك بالشمس مصلوب
(مثل راس الحسين يعاين لجثته)

وياخذني الخيال وبابك اوكف بيه
أشوفه بدون جدمي الصفنه ماخذته

مو دكات ادك عالباب لا والله
لحن داخل حسن تترجم بدكته

لوّن الباب تطلع تبجي الجيران
العرف والماعرف يبجي اعله سالفته

الله اكبــــــــــــــــــــــــــــر
جميل... جميل... جدا

حياك ياسامي لانك ذواق دوما فتعطى

الكلمات حقها في الرد لك حبي ومودتي