على الله توكلت ردت أخطب بنيه و أحفظ نصف ديني الضيعت نصه
جيت البيتهم جايب زلم خيرين شرطي بابهم و اليدخل يرصه
كعدنه و شفت أبوها الشمر و محور ما ترحم خزرته و تذبح البصه
فتح حلكَه عليه و تدري بي شصار صياد و يجره للنهر شصه
عندي اشياء كَلي اجيبهن باجر حظرهن و حتى الشغلة ما تعصه
جنسية وشهادة و بيهن الفسفور بطاقة شرطة رايد عنك اتقصه
و الخلفية بيضة للصور وياك ورقة تغذية و الفايل تقرصه
كَلت و الله اجاني الحلكَي التعيين ما صحت الواحد كَبلي هالفرصه
لو صادر قرار الراد يزوج تطلع له العروس بوجبة الحصه
كال اسمع شكلك وافتهم مني ما ريدن ركص لا دنبك و خبصه
ستالايت تتركه و لا تحط حاسوب و الكابوي انزعه وشعرك اتكصه
واللحية الخفيفة ليش جالطهه و شو نسر العبادة ماكو عالكَصه
وبعد مطلب زغير رايد تنفذه العمك قاط فصل هيبه و موصه
كمت وكلت يا عمي بعد شتريد اطلب لا تخلي بكلبك الغصه
اذا رايد بعد من عندي تتاكد .......................................
و اذا رايد عهد بلي تريده يصير ...................................
و لن واحد يكلي تسمح اترجاك حسبالي يكلي تسمح برقصه
مو بيده ضربني اعتقد طخماخ احس من ضربته كظتني الرعصه
طحت من الضرب و ندارت الصوبين ابوها الشمر ورم راسي بالعصه
و صارت شردتي طفرة على الجيران و تكسرت ايدي بطيحت النصه
واحد صاح كضة و غيره لا خلوه وين يروح مني وياهو الي خلصه
وصلت البيت اهلي مورم و مفشوخ وامي اتكلي اكعد سولف القصه
اشصار من الخطوبة شبيك شو منفوخ اوديك الطبيب و وجهك يفحصه
كتلهه اسكتي بس اريد ارتاح ما شفتي بشر و العكربه تكرصه
لو جنج نسيتي وادي المرحوم عني اشكال لمن مات وشوصه
مو كال الذكاء يلوح بعيوني و مكتوب على كصتي اشكد حلو جنصه

وحفظ نصف ديني الضيعت نصه
قصيده جميله
شكـــــــرا للاختـــــــيار

شكرا لك
على المشاعر الجميلة