ادري بيك الروح ماتت وانت عايش بس جسم
وشنهو معنى الناس تكبر وانت تعزف عالاسم
وشنهو يعني الليل عندك شبجه ما صادت حلم
احذر دروب المتاهه وشوف دربك عاد وين يلي دربك تيهت
اندار راسك بول الخطوات ليش وتالي بالزحمه ضعت
باجر الدنيا اماني وسوك الولايه عرس حجاية اليهوى همس
وضحكة العاشك همس والهمس كل الهمس صوت سكته
بلايه حس حتى صرخات اليتامى من الخجل صارن خرس
كلشي عند الناس باجر وانت يومك ينكتب اول امس
وتدري درب الناس باجر وريل عمرك يمشي بدروبك عكس
يدمي جف ايدك حصادك شوك لو جان الغرس

والله الصراحه روعه

عاشت ايدك يا مبدع

بيه صح الروح ماتت
وانه عايش بس جسم
ولا تلوم الجسم لو نخ او وكع
من ما حمل مية سهم
وانته تدري الجسم بيت الروح
وين تروح؟
لو بيتك ييوسف ينهدم؟
وكلي تعزف يالحن؟
لو وتر عودك مرار وصرخة افادك نغم؟
وكلي بيش تعيش لو كلبك يضخ حيرة وحسافة
وما يضخ بعروكه دم؟
كلي تنكل وين جدمك
والمتاهه دروبها اشواك وحفر مليانه سم؟
والقطار يحمل بأيام عمري
ويرمي بيها اهناااااااااااااااااك
بسلال العدم

الى اخي يوسف مع التحية