يلّي مديت الحبل مو صوچ بيك

آنه چفي البي كَصر

صح بصيرة العين وتشوفه جريب

لاچن شما انخى عزمي

ايخونه ضهري المنكسر

جيت امشي بچول وترجى السراب

وجر اجر الحيل واتوچه الصبر

سنين عمري المرعدتني

ونشفت عودي وجفتني

والهضم ثنّه اعله ركبه ونص يفتني

وعوزي شد بمهرته وجاني يكر

صرت دله وكهوتي بجوفي تفور

وكاعده بحضن الجمر

ولك شنهي الترتجي والمن تصيح

والتحشم بي مفلسلك عذر

أي يكَلبي......

مسامره الحسرات طشار الدموع

ونامت الجمره بكَطفها البي تجر

جيت امشي بسچة العمر الطويل

وتيهت حتى المحطه البيهه امر

تيهت حتى المحطه البيهه امر

قصيده رائعه
عاشت الايادي
لك تحياتي

قصيدة جميلة ورائعة
تسلم الايادي
بانتظار جديدك اخي العزيز
دمت لمن تحب
تحياتي

المشاركة الأصلية كتبت بواسطة امنيات ضائعة

عاشت الايادي

ننتظر منك المزيد
من كتاباتك

يا مبدع

لك كل الشكر والتقدير اختي العزيزة
والابداع لا يعد ابداعا الا بواسطة متذوقيه
شكرا لك مرة اخرى