انه ابن العراق ومن وسط ذي قـــــــــــــــار
ابن سوكـ الشيوخ المــــــــارضة ابشينه

ابن ريف العكيكه العاش بااهـــــــــــــــــات
دوم امـــــــــن القهر تكلب جوانينـــــــــه

لجن ما وطه راسه ومــــــــــــــد أديه للغير
صلب محـــــــــد يكحمه ويوكف ابعينـــه

يحجي ابزود أخوته وزوده للخـــــــــــــوان
موجف اعلـــــــــى اخوته اثنين جفينــــه

اخذ لكمة اعياله انطاهه للخطـــــــــــــــــار
وبشحة خبــــــــــز تكطر صوانينـــــــــــه

دجلــــــــــه امنه تصير ومن ثديهه انزود
وعرك كصتي الفرات وجسمي من طينه

الكمكم مافرغ والحب ينكط طيــــــــــــــــب
ومضيف الكَصب يرحب بالكصد لينــــــــه

على غفله انترس ديــــــــــــــوانه ابتفجير
ومانعرف مفخخ عبـــــــــــــــوه ترمينه

كام انوب اخوي وبيده يحمـــــــــي السيف
وعلى فتح الجروح التاذي يجـــــــــوينه

يحط بالباب عبوه ويلبسنه احـــــــــــــــزام
ويجيت بالمضيف ويمحي تكوينــــــــــه

يوكف عالسريع ايسلب المــــــــــــــــاشين
يبوك افلوس اخـــــــــوه ويطكه سجينه

تهدم هالمضيف وصار كــــــــــــــوم اتراب
وحبنه انكسر خويه وضــــــاعت اسنينه

وعلى افراش الصبر صـارنه كومه اسنين
نمنه وبالقهر صـــــــــــــــــــــدكـ تغطينه

الاخو ما زار أخـــــــــــــــوه ولايمر اعليه
يخاف امــــــــــــن المفخخ غفله يرمينه

الف رحمه اعلـــــــــــى ابيه الصانه النقال
نواصل بيه رحمنه وهـــــــــــــــذا تالينه

ملينه العمر والصبر حنضل صـــــــــــــــار
ما نكدر نجرعه وحـــــــــــــــــيل ياذينه

بس طبع الجبل شامخ يضـــــــــــــــل بالغيم
ماهويه التهزنه وهويـــــــــــــــه تحنينه

جف ابجف نـــــــــــــــلازم نشك حلك الظيم
ونعوم ابشط صعوبه النـــــــاوي يغطينه

نوكف بالنسق متعدد الأطــــــــــــــــــــــياف
وبعين الشماته ارمـــــــــــــــــاح شجينه

حي الله ابن العراق
حي الله ابن الناصرية وحي الله الحبوبي مولو اني غلطانة
هههههههههه
حياك الله يالطيب يالاصيل
تسلم الايادي على روعة الكلمات
دمت بخير
تحياتي

حلوووووووووووو
وعاشت الايادي
وقلم ذهبي ابدع بما كتب

تحياتي

قصيده اكثر من رائعه
والنعم من اهل الناصريه الطيبين وحياهم الله
تحياتي اخويه العزيز