حسبالي

[كبريــاء رجـل]

حسبالي عدينه الوفا والعمر وتوافينا
حسبالي من شفت الفرح بعيونك تراضينا
ثاري أعلى ساعة ترجع أتبايعني
وكل يوم بدروب الزعل تاخذني وترجعني
حسبالي عدينه الوفا والعمر وتوافينا


أمحيرني ساعات الصبح شوجنك أتودعني
وساعات بغياب الشمس ملهوف وأمضيعني
حسبالي عدينه الوفا والعمر وتوافينا


أمحيرني يالبايعني , وأنا اشتريتك غالي
أبنسمة هوا أتزّف الجدايل شكرة
أأبسمة فجر كانت أبشفة سمرة
ومن فتحّت كًتلك عزيز وغالي


وقدّح المشمش .. وأنت من قداّحه
وتفح أبخدك .. ووجنتك تفاحة
وأنت وأنت أمحيرني
أمحيرني ساعات الصبح شوجنك أتودعني
وساعات بغياب الشمس , ملهوف ومضيّعني


ياما نسينا أعتابنا بساعات الأعتاب
خاف الوكت فد يوم مايحسبنا أحباب
ميمر يبو خد وخد
بنظراتنا راح ورد
عدينا أيام الجفا بلوعاتنا وضاع العد
وعدينا ايام الوصل ثاري الوصل مابيه حد


أمفضّض يشطبة ريحان
أدري بهوانا حليان
ذب الكصايب عل متن
طاحت نسايم نيسان
بوس الحواجب ياكحل
بوسة عشق للغيران


عيني يبو خد وخد
شوكك ابقلبي ورد
ياعيني العشكً لولاح
يضحكله القلب لولاح
وأنت وأنت أمحيرني
وأنت وأنت أمرمرني



أمحيرني ساعات الصبح شوجنك أتودعني
وساعات بغياب الشمس ملهوف وأمضيعني
حسبالي عدينه الوفا والعمر وتوافينا

للشاعرالكبير زهير الدجيلي

[سلام الدراجي]

الله اخ كبرياء قصيده غنائيه رائعه ذكرتنه بسعدون جابر
تحياتي الك ياورده وكل عام وانت بالف خير

[كبريــاء رجـل]

وكل عام وانت بخير اخويه سلام الدراجي
وشكرا لمرورك الغالي على قلبي
ارق تحياتي

[الشاعر محمد الحميداوي]

انتقاء رائع من مبدع رائع ......كل عام وانت بالف خير

[كبريــاء رجـل]

وانت بخير اخويه العزيز محمد ومشكور لهذا المرور ياغالي
تحياتي الكـ

[بلسم الروح]

الله الله تعرف اني من جنت ازغيره اسمعهه وحافضتهه حسب سمعي للكلمة وهسة قريتهه صح كلمات الاغنية كلش حلوة ورائعة بشكل حيل اثرت بيه الكلمات مشكور ايها الرائع وكل عام وانت بخير تحياتي

[كبريــاء رجـل]

بلسم الروح أسم على مسمى
حتى مروركـ يكون بلسماً للمتصفحات المجروحه
شكرا لكـ غاليتي
مودتي واحترامي

[شوك الشفايف]

أمحيرني ساعات الصبح شوجنك أتودعني
وساعات بغياب الشمس ملهوف وأمضيعني

لا اعرف ما اقول....
لكني حتما ساقول ما اعرفه لك..
بانك انسان رائع..يازهير الدجيلي..لكتابتك هذا النص
الكبير الترف..مشتاقلك ارجو الاتصال يا حبيبي انقطعت
اخبارك منذ فترة ... شكرا لك كبرياء لهذا الذوق الجميل
اغنية حسبالي هي انعطافة في مسيرة الاغنية العراقية
الجميلة...الله عليك ياجميل مع الشكر والاحترام.