أمام الرافضه يسمون أبو الحسنين
نعم عالي العثك لحجارهم عرضه
ولأن أحسن عثك عدهم ثمر ما بيه
وكصار الزلم بجفوفهه تكضه
سبوه عالمنابر ظنهم يكتلون
ذكر المرتضى وأتباعه تتشضى
وميخالف سكتنه وكلنه خل يحجون
أذا عضك جلب هم قابل تعضه
حط راسه درع وبكلبه خله الدين
شيسوي بعد وأهل الحقد ترضى
قرضا حسنا كل عمره ظل لله
منو بيكم قبل ينطي العمر قرضه
بالكوثر توضه الدنيا قبل الدين
كلنه بحب علي المفروض نتوضه
علي الحظ الحلو للراد وجه الله
وعلي سيف الغضب للمنغسل حظه
علي وشخص النبي فرضة هدف لله
وأذا نرفض علي ما تنطبق فرضه
علي جسر السراط الما تمسه النار
وعن جسورهم روح أسأل الأرضه
علي كنز الذهب والعنده كنز شبيه
ويدير النظر لحثالة الفضه
علي ومضة ضوه وضربت ثنايا الكون
وليوم الحشر شعة ضوه الومضه
مفتاح الطلاسم جان داح الباب
يا طلسم صعب مو حيدر يفضه
علي علم العلم منا ليوم الدين
علي نهج البلاغه بخطه وبلفظه
علي قرآن ثاني ويمشي فوك الكاع
بس منهو العرف تفسيره ويحفظه
لحظة نور ضوة كل كلب أنسان
ويظل أعمى بصيره الفاتته اللحظه
على حبه أنولدنه ونحيى بيه ونموت
واليرفض علي من كلوبنه نرفضه

بقلمي
محمد عبود العبودي

سبوه عالمنابر ظنهم يكتلون
ذكر المرتضى وأتباعه تتشضى
وميخالف سكتنه وكلنه خل يحجون
أذا عضك جلب هم قابل تعضه

اااااااالله اااااالله عليك ياراقي
ياشاعرنا الكبير محمد العبودي
جميلة القصيدة حد النخاع
عاشت يمينك وصح لسانك ياغالي
تحياتي الكـ

حي الله شاعرنا
كلمات صيغت من ذهب
احسنتم ولا عدمناك ايها الرائع
دمت بخير
تحياتي

الله الله شاعرنا الكبير
تسلم ايدك على القصيدة الكبيرة الفريدة
تقبل الله منا ومنكم صالح الاعمال
وصلى الله على سيدنا المصطفى محمد وعلى اله الطيبين الطاهرين
تحيتي اخي لكم
وخالص تقديري