ماكو مثل العراقية



من تمشي بالشارع الكل تاخذ تحيّه
من تكلّلهه: جنت مريض
شمحلاهه بحلكهة: سوده عليّه
تتحملّك لوالحجّاج تصير
وتكلّك: فدوه اروحلك احسبهه عليّه
كلبهه جبير
يمكن اكبر من الملويه
أبد ما شالت خشمهه
اذا كالت احبّك
يعني خلص
تصير لك حبيبه وصديقه و أم و أخت
و تخدمك و متكول معليّه
وحتى لو ردت- تغسلّي رجليّه
متحب غيرك بعد
بس انت لتلوّص
تره هيه كلش ابيّه
بس صير انت زين وياهه وشوف
اذا تلكه مثلهه بهالزمن وفيه
تشيلك مثل ماي بالصينيّه
اني أحب العراقيه
مو لأن اني عراقي
لكن لأن بس هيّه التفتهم عليّه
واني شجاني وحبّيت أردنيّه
كل ربع ساعة و تتمقلج عليّه
ساعه تكلي شو انته ضعيف
و ساعه تكلي شو ما عندك شخصيّه
لِج بابه انتي شمفهمج شنو اني
انت ِماتفتهميني
انت ِ مو عراقيّه
عبالك راح أحب سوريّه
لا عيني لا
ما ريد وحده تتفيّك عليّه
كل شويه اتدزلي رساله:
دئّلي على الموبايل
مشان نحكي شويّه
يابه اني اريدن عراقيّه
اني اريد العين شيشه عسل
و اريد الشفه لون الورد ورديّه
واذا يمنه حلوه الاردنيّه
واذا كمر 14 السوريّه
بس منين اجيبلهن دمّ العراقيه
منو بيهن تكلك: بيّه ولا بيك
لو تكلك: هاك اشرب الجاي من اديّه
ربهن دينهن كالت الهدوم
و شوفلي البدي هذا حلو عليّه؟
وحدتهن تكول قالب ثلج
متذوب لو الفين مئويّه
او اذا كالت احبّك
من البرد يكومن يرجفن اديه
و "اموت عليك"
بحلك العراقيه
عبالك نيزك من الشمس وكع عليه
ماكو مثل العراقيه


تحياتي للجميع

عاشت ايدك
صدك ماكو مثل العراقيه

المشاركة الأصلية كتبت بواسطة عراقيه للاابد

يسلموووووووو وعاشت الايادي

منور حبيبي الغالي

المشاركة الأصلية كتبت بواسطة نــونــة

عاشت ايدك
صدك ماكو مثل العراقيه

وايدج اختي العزيزه منوره الموضوع
[quote=الشاعر محمد الحميداوي;1103654]رائع لا يوجد امره مثل العراقيه سلمت يداك[/quote

وايدك حبيبي الغالي منور الموضوع

اسعد الغريب

جميل جدا