كوض يارنه منشتد محلنه
وصفه موحش مساييرة محلنه
شعجب بكلوبكم مامش محنه
ولامرة ذكرتونه بوصيه

بنيتك بالكلب قلعه ويحوطـــك سور 00000 ونته بفاس بيدك هدمت صرحـــــــك
جرحك كوم شوفه من الجدم للراس 00000 شتظن ينفع ازرارك من تشل جرحك
هويتك والكل مايكرة اليهـــــــــــواة 00000 بكثر طعناتك انه اجروحي اتعـــذرك
شلت همك فرح وبكل عزيز افديـك 00000 جبت نور البعيني ونورت صبحــــك
عفت ناسي علمودك حته اضل وياك00000 وكلبي يصير بيتك وسكن بكلبـــــــك
علة بسمت اشفافك صغت لون العيد00000 وجبت روحي هديه البيتك اتصبحـك
ابد ماقصرت عنك ولامليــــــــــــت00000 جنت ممنون اجيلك طايع الامــــــرك
بس انته غرورك راح بيك ابعيـــــد00000 بالله شحصلت من ناس التغــــــــــرك
فضحت اسرار عندي سولفته وياك 00000 وحدر جفني دفنته وماطلع ســـــــرك
عفتني و واددت ناس اتعرفهم زين 00000 مانصحوك ليش اتخون الينصحــــــك
صرت مثل السراب ومانسيتك يوم 00000 اريد انساك لاكن كلبي اليذكـــــــــرك
تذكر كبل من تعتنيني بشـــــــــوك 00000 وتجي مثل الشراع وعاصفة بظهـرك
تذكر مكان الجنة نكعد بيــــــــــــه 00000 وسولفلك اسراري وماخفت غـــــدرك
أذكرك. لونسيت شلون كتلي اهواك00000 ومن يلتم عليه الكون ماخســــــــــرك
شدعو وبالعجل شوطلع مايك كيش 00000 وعله وضح النهار وبينت غـــــــدرك
قريتك صفحة صفحة وكررت اقراك00000 كلش ميزيته شحتوي سطـــــــــــرك
شفت بيك الخيانه وسامحيـــت امرار00000 اشحسبالك غشيم واعرف طبعـــــــك
هل دمعي بغيابك وشل من العيـــــن 00000 وكسرت خاطري ماغيرت بامــــرك
ماعندك محنه ورحمة مامش بيـــــك 00000 عفت كلب اليحبك ينجوي بهجــــرك
تحط عينك بعيني وخنجرك بجــلاي 00000 ونسيت ايمنه وماجنه من عمـــــــرك
تظاهر غميج وانته واضح حيـــــل 00000 ماعند غموض الجاهل يفســــرك
وانه من سامحيتك كلت بلكي يعــود 00000 ويرد ماي الحيات وينترس نهرك
لاكن من لكيتك طبعك النكـــــــران 00000 بهذني اجفوف اديه طشرت جمرك
صحيح اتلسعن بس هذا جدي وياك 00000 مامجبور اظلن دوم منتظـــــــــرك






الشاعر
عادل الموزان ابومحمد