قرات للشاعر حمزه الحلفي
احببت ان انقلها لكم

تبارينه الذمم وتصافقن النيات كتلك اني اخوك وعونك وجارك
موكتلي نتسالم ونمسح اللي فات ونتخاوه صدك وبكلشي نتشارك
رغم ماكان ذنبي وتعرف الداسوك فدينه ارواح والله بدوسة ديارك
انتفض كل العراق وجبل يتبع هور وتحول نار كله وانطفت نارك
وتعاركنا على مودك ويه اللي احتلوك وهسه جاي وياي اتعارك
اذا انته سبع وجاي تطلب ثار من طيح عكالك روح اخذ ثارك
ماتهمني الحكومه الماترد عليك وين تريد جاي تدكلي بسمارك
ولك بسمارك بعينك روح دكه بعيد واحذرك شيل عنك فكرة مبارك
تره امريكا وحلفها ولحية الوزوك ماتكدر علي لو ردت اطب دارك

قصيده جميله جدا وعاشت ايدك على هذا النقل البديع لان ارض العراق عزيزه بكل معانيه ويا ويل اليمد ايده عليه.تقبل مروري اخي سامي المشكورواعذرني على تكبير الكلمات

حياك سامي قصيده غايه في الروعه
تسلم على النقل وعاشت ايد الشاعر اللي خط حروفها
تحياتي لك
تقبل مروري
سلام الدراجي

ابو ابراهيم الرائع
تشرفت بمرورك
وتشرفت بالرد الرائع
لك خالص التقدير

اخي سلام
شكرا لك
تقبل تحيتي