((اظل خايف))

أنيّ اشوفنك قصيدة...

انرسمت أبطرف الشفايف..
وانيّ أريد تكون دله...

وروحي تصبحلك مضايف..
أنــهّ كلك.. وانتة كلي..

وصرنـة للــوادم سوالـــف...
وأظل خايف...
هاجس أيمــر بخيالــي...

أتصــورك نجمة بعيــدة..
وانتــه وردة...

أتعودت عطــــر القصيــــدة...
وانته قاموس بحياتي...

وتبقى صفحاتـك جديـــدة...
وانته انته...

الماغفــة مــي اعلـــة جيــــدة..
كابـرت عمـرالليالي...

وعاشـرت دنيا فــريـــدة...
تبقى طيف انته بخيالي..

جلمة..

وعتاب..

وقصيـدة..
ياقصيدة..
شمحلة من تشتعل نار..

وروحي تصبحلك وكََيدة..
يلي عايش وسط روحي..

وصرت عنواني وبريدة..
سـوي بيهّ اشما تـريــد..

وانـي اكََلــك بعــد زيـــدة..
يالقفلتك جوة كََلبــي ..

وصرت شريانه اوريده..
وأظل خايـــف..
مثـل مطلوب ايتنخـة ...

وهــدت أعليه الطـوايــف..
لو مثل نــار بعواصف...

والسلف كلة صـرايــف..
بس تِخلف أرماد ظنها..

ومادرت مشتعلة جمـرة....
تكبــر ونكبــر وياها...

وبالكَََلـب مية ألـفحسرة...
وانيّ عمري كََــاع بور...

وترتجي امنالغيم كََطـرة..
وانيّ عمري ليل عاشََك

بالونين امكََظــي عمرة..
وانتــه نجمـــة السافــريــت..

وانتـــه كََمـــــــرة..
ياالـف سيــاب بيك..

الــدوخيتة وضاع شعــــرة..
ومالكَََيتك..
دورت كــل ذكــرياتـــي ..

ومالكََيتــــــك ...
يلي بحـرك بس عـواصف..

وانيَّ بحار اعتنيتك..
وآخ ياليل اليمـرني..

بشوََك آون..

ومتاني طيفــك..
يالهويتك..

ما هويت احد بدالك

يالهويتك..

يالبعـت

كلشـــي اعلـــة مــودك..

واشتــريتــــك ...

***********

مع تحياتي

جلال البطاط

غير مبروء ذمة من يقوم بالنقل دون ذكر الاسم