(عتيق الملائكه)
نزل من السمه متعني جبريل
يهني المصطفى بهاي الولاده

بامر رب الجلاله واسمه جابه اوياه
وسلام امحمله لسيد عباده

سمع فطرس يون بالارض مرجوم
لن فطرس يكله شهل وفاده

يكله النبي الرحمه نولد مولود
وجينه اليوم تغمرنه السعاده

اخذني وياك كله وخل اهنيه
ويشاهد حالتي اوضعي التراده

حن كلب الرسول بيوم صد ليه
ودعا ربه بوليده ايسر فؤاده

ستجاب الله الدعاء ورد جناحيه
عتيق حسين ربعه عليه تناده

شعظم هذا الوليد اليعتق املاك
والزاره يرد ماخذ مراده

خصه الله وتحله بهاي الاوصاف
وصبح مستشفى للزايد سهاده

ماخاب اليكصده بشده لوضيج
وتقرالناس كلهه بهل الشهاده

الحسين انوجد رحمه لكل الاسلام
وصبح للدين اركانه وعماده

النبي وصه بمحبته وكال حب الله
حب حسين يعني ومتداده

بلايه حسين هذا العمر ميفيد
ويوم الحشر بس حبه الافاده

خل بينه تكفر الناس وتلوم
بحبه اكسبنه ياصاحب اراده

الفيصل والحكم بلحشر حب حسين
يوم اليجمع الباري سواده

عدنه الموت فوز بحب الحسين
علينه انخط مثل خط الكلاده

(بقلمي)
اهني العالم الاسلامي بولادة سبط
النبي الاكرم (ص)

تحياتي

والله شرفتوني اخوتي (الاسير )
( وشايبنه العراقي)
وشكرا على الكلمات الطيبه

شكرا لكم اخوتي (اسير)و(شايبنه العراقي) وشرفتوني بطلتكم على متصفحي تحياتي

السلام عليكم اخوتي الاعزاء لقد
شرفتم متصفحي المتواضع تحيه
للاخ(اسير) والغالي (شايبنه العراقي)